Aeropòrt de Tolosa-Blanhac

Transport aeri i aeroports, transport marítim i ports, per cable, etc.
Transporte aéreo y aeropuertos, transporte marítimo y puertos, por cable, etc.
Respon
Avatar de l’usuari
m.h.t.
N9
N9
Entrades: 2204
Ubicació: Badalona

Aeropòrt de Tolosa-Blanhac

Entrada Autor: m.h.t. » Diumenge 21/04/2019 16:10

Anullan la privatizacion de l'aeropòrt de Tolosa-Blanhac

La cort administrativa d'apelacion de París dona rason al collectiu antiprivatizacion, que vòl desenant far invalidar l'acte de cession a Casil Europe


La Cort Administrativa d'Apelacion de París anullèt ièr dimars la privatizacion de l'aeropòrt de Tolosa-Blanhac, estimant que lo quasèrn de las cargas de la procedura de cession dels títols de l'estat es pas estada respectada. La senténcia es arribada just al moment ont los accionaris ensajavan de se desengatjar de lors parts de l’aeropòrt en las vendent. Lo collectiu antiprivatizacion Solidaris 31 aviá ja aviat una accion davant lo tribunal de comèrci de París per que lo consòrci chinocanadenc partiguèsse “pas amb la caissa” en cas de venda.

Lo raportaire de la cort parisenca aviá recomandat, l'11 de març passat, l’anullacion de la privatizacion parciala de l’aeropòrt mondin. Lo raportaire considerava que “i aviá agut un vici substancial” dins la procedura de causida de l’accionari.

En abril de 2015, l’estat francés vendèt per 300 milions d’èuros lo 49,9% de l’aeropòrt tolosan a un consòrci chinocanadenc. Emmanuel Macron, alavetz ministre de l’economia, diguèt qu’èra pas una privatizacion mas una “dobertura del cabal”.

Segon l’avocat de tres sindicats opausats a la privatizacion de l’aeropòrt de Blanhac, l’ofèrta finala la faguèt sonque lo crompaire, çò que respectariá pas la procedura de privatizacion. “Lo raportaire public confirma nòstra analisi, lo quasèrn de las cargas es pas estat respectat”, çò precisava l’avocat. “Es pas encara la victòria mas una avançada significativa”.

Qui es Casil Europe?

Lo consòrci chinocanadenc que deten lo 49,9% de l'Aeropòrt de Tolosa Blanhac es la societat francesa Casil Europe, formada de doas societats chinesas e associada a la societat canadenca SNC Lavalin.

https://www.jornalet.com/nova/10987/anu ... sa-blanhac


Salvem l'Estació de França!

Respon

Torna a “Aeri, marítim i altres / Aéreo, marítimo y otros”